Ֆրանսահայ Ներդրողը Չի Կարողանում 45 Աշխատողներ Գտնել Հայաստանում, Հետ է Հրավիրում Արտագաղթածներին

Տնտեսության ապագան կախված է մարդկանց ունակությունները գալիք սերնդի աշխատատեղերին համապատասխանեցնելու հաջողությունից: Հայաստանում և աշխարհում այս պրոցեսը դանդաղ է ընթանում և այն արագացնելու համար անհրաժեշտ է երիտասարդների, ծնողների և կառավարությունների շահագրգռվածությունը:

Երեկ և այսօր Invest in Armenia (LinkedIn) խմբում մասնակիցեղամիքննարկման, որտեղ ֆրանսիահայ ներդրող Օլիվիե Մուրադյանը մտահոգություն էր հայտնում որ չի կարողանում Հայաստանում գտնել 45 որակյալ մասնագետ, որ բավարարեն իրեն բիզնեսի պահանջները:

Նրան ընկերությունը հաճախորդների սպասարկման հեռախոսակապի կենտրոն է հիմնել Երևանում (Call Center) և գրում էր թե ինչքան "բարդ է աշխատողներ հավաքագրել" գործի համար:

Ես այս պահին չգիտեմ թե որքան աշխատավարձ է առաջարկում ընկերությունը, բայց Օլիվիեի մատուցած մտահոգության պատճառներն ավելի խորն են քան աշխատավարձի չափը: Մարդը պարզապես չի կարողանում  որակյալ մասնագետներ գտնել, որպեսզի բավարարի բիզնեսի պահանջը:

Ծնողնե՛ր, Ձեր կամ Ձեր երեխայի մասնագիտությունը և կարողությունները բավարարում են 21-րդ դարի պահանջներին: Եթե ՈՉ ապա Դուք ինչ եք անում դա փոխելու համար:

Ես հարցրեցի Օլիվիեին թե ինչն է բարդության պատճառը: Ահա թե ինչ գրեց նա ինձ (և թույլ տվեց կիսելու այս հոդվածի մեջ):

1. Բարձրակարգ մասնագետների հավաքագրման կազմակերպության կամ ստրուկտուրայի բացակայություն:

2. Օտար լեզվի իմացության ցածր որակ, թե ուսանողների, թե ուսուցիչների:

3. Բոլորն ուզում են միանգամից ղեկավար աշխատել, առանց մասնագիտանալու աշխատանքի պահանջների մեջ:

4. Աշխատավարձի խենթանալի սպասելիքներ, որ անհամեմատելի են են Հայաստանի միջին աշխատավարձի հետ: Երբեմն մեր դիմորդները գեադասում են մնալ իրենց նախկին ցածր վճարվող աշխատանքին (երբեմն նրանք 70 տոկոս ավելի քիչ են վճարվում) քան ընսունել մեր առաջարկը:

5. Դիմորդներից շատ քչերն են իսկապես "մտայնորեն պատրաստ" աշխատելու: Աշխատանքի նկատմամբ նրանց մտածողությունը Հայկական է, այլ ոչ թե համաձայն ժամանակակից Ամերիկյան/Եվրոպական մենեջմենթի ոճի:

6. Մեզ դիմողներից շատերը բավական լուրջ չեն: Նրանք մոտիվացված ու կենտրոնացած չեն:

"Հետևաբար 1 լավ աշխատող գործի ընդունելու համար դու պետք է 150 կանչես, որից ընդհամենը 40-ը ժամանակին կներկայանա, դրանցից ընդհամենը 5-ը պատրաստ կլինի հարցազրույցին, իսկ այդ հինգից միայն մեկը կլինի այնքան լույրջ ու մոտիվացված, որ ի վիճակի կլինի աշխատել մեզ հետ," գրում է Օլիվիեն: "Արդյունքում, մենք, մյուս երկրների համեմատ, բավական ժամանակ ենք վատնում մի քանի  որակյալ անդամներ մեր անձնակազմին հավաքագրելու համար: Նույնիսկ թեր զարգացած երկրներում այս հարցն ավելի էֆֆեկտիվորեն է լուծվում քան Հայաստանում, քանի որ այդ երկրներում կան կազմակերպություններ որոնք միայն մասնագիտանում են բարձրակարգ ու  որակյալ մասնագետների հավաքագրման մեջ, ավելացնում է Օլիվիեն:

Դժբախտաբար Օլիվիեն մենակ չէ իր փորձառության մեջ: Նմանատիպ պատմություններ լսել եմ այլ արտասահմանցի ներդրողներիդ. Ինքս ունեցել եմ նման խնդիր 6 տար առաջ երբ մեր ընկերությունը 7-8 աշխատող ուներ Երևանում. Ավաղ, այն կարճ տևեց աշխատողների ունակություններն աշխատանքային պայմաններին չհամապատասխանելու պատճառով:

Սիրելի երիտասարդներ ու ծնողներ: Մասնագիտություն ընտրելիս 10 չափեք ու նոր կտրեք: Այնպիսի մասնագիտություն ընջտրեք ու հմտացեք, որի պահանջը կա 21-րդ դարում: Տարիներ առաջ ծանոթներիցս մեկը հպարտանում էր, որ "դասախոսին կանյակ բռթելով" գնահատական էր ստացել: Անցել են տարիներ, ու այսօր այդ երիտասարդը չունի ոչ կարգին աշխատանք, ոչ էլ պահանջված մասնագիտություն. Մի գնացեք այդ ճանապարհով: Լավ սովորեք և ձեր գործի մեջ լավագունը եղեք: Տաշած քարը գետնին չի մնա:

Այժմ աշխարհը կանգնած է գլոբալ տնտեսական ողբերգության առջև:

Ամբողջ աշխարհում, նոր աշխատատեղերի հնարավորություններ են ստեղծվում՝ բերելով բարգավաճման խոստում: Սակայն հարյուր միլիոնավոր մարդիկ իրենք իրենց առջև փակել են այդ հնարավորությունները, քանի որ նրանք չունեն անհրաժեշտ կրթությունը եւ հմտությունները:

Եթե ​​ներկայիս տնտեսական ու աշխատուժի միտումները չշրջվեն, հնարավորության ու իրականության միջև անդունդը խորանալու է, ստեղծելով եկամուտների անհավասարություն եւ դանդաղեցնելով համաշխարհային տնտեսության զարգացումը. Խուսափելու համար այսպիսի արդյունքից, շատ կարեւոր է, որ մասնավոր բիզնեսն ու կառավարությունները ողջ աշխարհում համաձայնեն նոր ռազմավարության, որը կբարելավի ուսման ու կրթական հնարավորություննեը այս և հաջորդ սերնդի աշխատողների համար: Իսկ մինչ այդ, սիրելի երիտասարդ, գնդակը քո դաշտում է: ՀՄՈՒՏ և հետևաբար ՊԱՀԱՆՋՎԱԾ ՄԱՍՆԱԳԵՏԸ ԴԱՐՁԻՐ ՔՈ ՄԱՍՆԱԳԻՏՈՒԹՅԱՆ:

Վերադառնանք մեր Օլիվիեին: Նա օգնության կարիք ունի և փնտրում է 45 աշխատողների: Հաճախորդների սպասարկման հեռախոսակապի կենտրոնում օպերատորներ աշխատելու համար նրա ընկերությունը փնտրում է պատասխանատու մարդկանց, որոնք կատարելապես տիրապետում են հետևյալ լեզուներին:

- French,

- English,

- Spanish,

- Italian,

- German,

- Dutch,

- Swedish,

- Finnish,

- Danish,

- Norwegian,

- yiddish (jewish east european language),

- Russian,

- Polish,

Նա գրում որ համալսարաններում չի կարողացել գտնել այնպիսի ուսանողների, որոնք ունեն լեզվի համապատասխան գիտություն: Օլիվիեն այժմ ետ է հրավիրում ատագաղթած հայերին, որոնք ապրում են վերոհիշյալ երկրնեում և հասցրել են կատարելապես տիրապետել տեղի լեզուներին:

Եթե հետաքրքրված եք կամ կարող եք օգնել, խնդրում ենք կապնվեք Օլիվիե Մուրադյանի ընկերության գործավարուհի Մանեի հետ mmisakyan@ics-performance.fr  հասցեով:

Սիրով կուզենայի լսել ձեր տեսակետը: Խնդրեմ այն թողեք քոմմենտների բաժնում: Ինչպիսի՞ն է եղել Ձեր փորձառությունը:

Արմեն Հարեյան
Hareyan Publishing Corporation-ի հիմնադիր, տնօրեն 
www.huliq.com, www.emaxhealth.com, www.TorqueNews.com

Այս հոդվածը կարող եք ազատորեն տպագրել Ձեր թերթում, բլոգում կամ լրատվական վեբ-կայքում եթե հղումներն ու հեղինակային վերագրումը թողնեք անփոփոխ:

Նոր Աշխատատեղեր: Մայքրոսոֆթը Երևանում Փնտրում է Մասնագետների

Նոր Աշխատատեղեր: Մայքրոսոֆթը Երևանում Փնտրում է Մասնագետների

Նրանք ովքեր աշխատանք են փնտրում Հայաստանում օգտակար կլինի  մտածեն թե արդյոք իրենց կարողություննեը համապատասխանում են 21-րդ դարում պահանջվող որակներին: Այս նախադասությունը թերևս մի քիչ կոպիտ է հնչում, բայց նպատակս դա չէ, այլ ավագ եղբոր պես ցանկանում եմ մեր սիրելի երիտասարդներին մտածելու առիթ տալ, որ իրենց ուսուման տարիներն անցկացնեն իսկապես գիտելիքներ ձեռզ բերելով ու դրանց մեջ հմտանալով. Եթե այդ տարինեն անցել են, ձեռք բերածն էլ ապարդյուն, ապա մի հուսահատվեք, նորը և ավելի պահանջվածը ձեռք բերեք, դեռ 40-60 տարվա կյանք ունեք և մեկ տարի նորը սովորելով 39-59 տարի ավելի հետաքրքիր կանցնի:

Microsoft Armenia Jobs

Ահա նոր աշխատատեղեր Մայքրոսոֆթ ինովացիոն կենտրոնում (ՄԻԿ): Հետևյալ հայտարարությունը տարածել է Կենտրոնը: Դուք էլ տարածեք. Հավանաբար մեկին, կօգնի գործ գտնել հայրենիքում ու ընտանիք ստեղծելով կյանքը կառուցել մայր հողի վրա:

Մայքրոսոֆթ ինովացիոն կենտրոնը (ՄԻԿ) փնտրում է ՏՏ ոլորտի եռանդուն և արհեստավարժ մասնագետների, ովքեր կատարյալ տիրապետում են Մայքրոսոֆթ տեխնոլոգիաների/պրոդուկտների ( .NET (C#), WinRT կամ Windows Server 2012) և ցանկանում են դասավանդել/ձեռք բերել դասավանդման փորձ մեր կենտրոնում:

Ընտրված թեկնածուներին կտրամադրվի մասնագիտական զարգացման հնարավորություն՝այդ թվում Մայքրոսոֆթի կողմից վկայագրված դասավանդողի (Microsoft Certified Trainer) համար նախատեսված դասընթացներ և քննություն: 

Պարտականությունները

• Մշակել համապատասխան տեխնոլոգիայի վերաբերյալ ուսումնական ծրագիրը` միջազգային ստանդարտներին համապատասխան, վարել որակյալ դասընթացներ սկսնակների և փորձառու մասնագետների համար,
• Իրականացնել կարիքների գնահատումշահառուկազմակերպությունների կորպորատիվ նպատակների համաձայն և մշակել/առաջարկել օպտիմալ կրթական լուծումներ՝ կիրառելով համապատասխան մեթոդներ,
• Հետևել շուկայի/ոլորտային միտումներին և տեխնոլոգիական զարգացումներին և համապատասխանաբար բարելավել դասընթացների ուսումնական ծրագրերը, 
• Պատրաստել դասընթացների կրթական նյութը և պրեզենտացիաները:

Պահանջվողորակավորում

• Բարձրագույն մասնագիտական կրթություն համակարգչային գիտությունների ոլորտում,
• Մայքրոսոֆթ տեխնոլոգիաներով/պրոդուկտներով աշխատելու փորձ,
• Ծրագրավորման գործիքներ կիրառելու համապատասխան գիտելիքներ,
• Համապատասխան տերմինաբանության, կոնցեպտների և լավագույն փորձի իմացություն,
• Ուսանողների և մասնագետների հետ աշխատելու հմտություն,
• Հաղորդակցման/ներկայացուցչական հմտություններ
• Տեխնոլոգիական դասընթացների վարման փորձը նախընտրելի է,
• Անգլերեն լեզվի իմացությունը նախընտրելի է,

Դիմելու կարգը
 

Հետաքրքրված անձինք կարող են ուղարկել իրենց ինքնակենսագրականը և մոտիվացիոն նամակը apply@mic.am էլ. փոստին՝ նշելով վերնագրում «Microsoft Products/Technologies Trainer»: Հարցազրույցի կհրավիրվեն միայն ընտրված թեկնածուները: 

Մենք ապահովում ենք տրամադրող միջավայր, որին կնպաստեն տեխնոլոգիապես հագեցած համակարգչային լսարանները, Մայքրոսոֆթի գերժամանակակից տենոլոգիաների հասանելիությունը և ճկուն աշխատանքային գրաֆիկը:

Հարցերի դեպքում դիմել sona.martirosyan@mic.am կամ 010 545 343 հեռախոսահամարով:


Հարգանքով՝
Մայքրոսոֆթ Ինովացիոն կենտրոն

Ինչպես Է Վրաստանը 148,000 Դրամով Անգլերենի Ուսուցիչներ Գրավում

Վրաստանը երկիր է հրավիրել բավական շատ ատասահմանում կրթված ու տաղանդաոր երիտասարդների: Նրանցից շատերն օտարազգի են: Ահա թե ինչպես է Վրաստանը սա անում: Թերևս մենք էլ կարող ենք նման մի բան կազմակերպել Հայաստանում, եթե արդեն չունենք:  http://www.tlg.gov.ge/

Teach and Learn with Georgia

Սա ցույց է տալիս, որ տաղանդաոր ու կրթված երիտասարդներ կարող են գալ ու երկիր զարգացնել, կիսելով իրենց տաղանդը, ոչ միայն բարձր աշխատավարձի համար:

Նոր Տարվա Թանկությունները Ջերմոցային Տնտեսության ու Տասնյակ Հազարավոր Աշխատատեղերի Առիթ

Նոր Տարվա առևտրային եռուզեռի շրջանին շատերը բողոքում էին թանկություններից, հատկապես վարունգի: Միշտ հիշե՛ք, որ ամեն մի թանկություն այդ ապրանքի քչության ու պակասության նշանն է, հետևաբար նոր բիզնես հնարավորության առիթ:

Մենք սիրում ենք բռնել արտագաղթի ու Հիուսիսային ցուրտ վայրերում բատրակության ճամբան: Տեսնես մեկը հաշվե՞լ է արտագաղթող խոպանչու թեր և դեմ կողմերը, թե աշխատավարձից ինչքան է ծախսվում ճանապարհի վրա, թե քանի ամիս պարապուրդի են մնում և թե ինչ արժե երբ երեխաներն առանց հոր են մեծանում, փողոցում, իսկ կանայք ամիսներով մնում առանց ամուսինների: Տակն ի՞նչ է մնում: Գիտեմ, լավ օրից չի որ գնում են, բայց եկեք տեսնենք կա՞ արդյոզ Հայաստանում այլնտրանք, որ կարող ենք օգտագօրծել:

Պարզվում է, որ կա վատ օգտագօրծված մի շատ լավ հնարավորություն, որ գյուղում ապրող ամեն մի մարդ կաորղ է անել՝ ՍԿՍԵԼ ՋԵՐՄՈՑ:

Նոր Տարվա շրջանին այս նկարը շատ տարածվեց ինտերնետում:  Վարունգի գինը գերազանցել էր բոլոր սպասելիքներն ու վաճառվում էր 16950 դրամով...

Սա առաջին հերթին մի բան է նշանակում: Վարունգի պահանջարկը մեծապես գերազանցում է առաջարկը: Վարունգ շատ քիչ կա:

Ուտելիք արտադրելն ու մարդկանց կերակրելը միշտ էլ եղել է օրհնյալ, բարի ու շնորհակալ գործ:

Մեր հողերի մեծամասնությունը պարապ են, շատերի տերերը խոպաններում: Սիրելի Հայ տղամարդիկ (և ինչու չէ, նաև կանայք) ԱՀԱ ՁԵԶ ՄԻ ԼԱՎ ՀՆԱՐԱՎՈՐՈՒԹՅՈՒՆ՝ ՍՏԵՂԾԵՔ ՋԵՐՄՈՑԱՅԻՆ ՏՆՏԵՍՈՒԹՅՈՒՆՆԵՐ: Ձմռան համար բանջարեղեն արտադրեք: Դրանով կարող եք լավ տուն պահել ձեր հողի վրա:

Ես գյուղատնտես չեմ, բայց ինտերնետում մի քիչ փնտրելով հասկացա, որ կան փոքր ջերմոցներ ստեղծելու շատ էժան տարբերակներ: Օրինակ, կարելի է ապակիների փոխարեն սկսել ցելոֆանով: Ջերմոցի ձմեռային տաքացման համար էլ կան հետաքրքիր ու էֆֆեկտիվ տարբերակներ:

Ջերմոցային գյուղատնտեսությունը հաստատակամորեն զարգանում է ածխարհում. Մարդիկ շատանում են՝ ավելացնելով ուտելիքի պահանջարկը:

Ջերմոցային առավելությունները

Ա. Աճեցման երկար սեզոնը թույլ է տալիս ավելի շատ բերք աճեցնելու

Բ. Կարող է օգնել առավելագույնի հասցնել հողերի օգտագործումը, եթե տարածքը օգտագործվում է արդյունավետ

Գ. Ավելի լավ է վերահսկվում վնասատուների եւ հիվանդությունների  մուտքը ջերմոց:

Դ. Հեշտ վերահսկվում է ջերմոցի կլիման՝ ջերմաստիճանն ու աճեցման պայմանները:

Ե. Ավելի էժան է աշխատուժը, քանի որ ավելի քիչ է պահանջվում:

Զ. Ջերմոցները թեթեւ կառույցներ են, հեշտ է տեղափոխել նոր վայր:

Եթե ամեն հայ գյուղացի մի փոքրիկ ջերմոց ունենա իր տնամերձ հօողամասում

1. Իր ուտելիքի ծախսը կկրճատեր

2. Տարին 12 ամիս ապրանք վաճառելով տունն ու օջախը կպահեր

3. Չեր արտագաղթի և օտարի մուննաթին ստրուկ չէր դառնա

4. Ձմռանը վարունգի և այլ բանջարեղենի գները մի քանի անգամ կեժանանային՝ դառնալով շատ ավելի մատչելի:

5. Հայաստանում կյանքը կեժանանար ու կդառնար ավելի հաճելի

6. Հայաստանի բնակչության մոտ 30 տոկողը կունենար ապահով ու հարգելի աշխատանք: Մարդիկ կլինեյին իրենց գործի տերը: Քանի որ, այսօր գյուղերում աշխատանք չկա, սա կնշանակեր աշխատատեղերի ավելացում 20-30 տոկոսով:

Եթե այս հոդվածը Ձեզ հետաքրքրեց, արտատպեք այն. Եթե բարեկամ ունեք, որ պատրաստվում է արտագաղթելու, այս հոդվածը իրեն էլ ցույց տվեք. Ջերմոցները եկամտաբեր են ու տարածվում են աշխարհում: Սա գաղափար է, որ արժե ու պետք է տարածել:

Եզրափակելով, ահա մի տեսահոլովակ թե ինչպես ջերմոց սկսել փոքր ներդրմամբ:

Սիլիկոնային հովտում մեկնարկեց «ԱրմԹեք 2012»-ը

Կալիֆորնիա, ԱՄՆ – Այսօր Սիլիկոնային հովտում մեկնարկեց «ԱրմԹեք 2012» համաժողովը, որն ընթանում է ԱՄՆ Կալիֆորնիա նահանգում «Սովորելով անցյալից և կերտել ապագան» խորագրի ներքո: 

Munger Conference Center, Paul Brest Hall, Stanford University, Stanford

Համաժողովը հյուրընկալել է Սթենֆորդի համալսարանի քաղաքաշինության և բնապահպանական ճարտարագիտության  ֆակուլտետը: Արդեն հինգերորդ անգամ անցկացվող այս  համաժողովին մասնակցում են բարձր տեխնոլոգիաների ոլորտի ձեռնարկությունների շուրջ 120 ղեկավարներ, հետազոտողներ, ակադեմիական ոլորտի և ներդրումային հիմնադրամների ներկայացուցիչներ, ինչպես նաև պետական պաշտոնյաներ Հայաստանից: Միջոցառման նպատակն է ներկայացնել Հայաստանի բարձր տեխնոլոգիաների ոլորտը, ուրվագծել զարգացման հեռանկարները և ընդլայնել ԱՄՆ գործարարության հնարավորությունները:  «ԱրմԹեք 2012» համաժողովի կազմակերպիչներն են Հայաստանի կառավարությունը, ԱՄՆ Միջազգային զարգացման գործակալության Ձեռնարկությունների զարգացման և շուկայի մրցունակության ծրագիրը («Ի-Դի-Էմ-Սի»), «Ձեռնարկությունների ինկուբատոր հիմնադրամ»-ը, «Վիասֆեր տեխնոպարկ»-ը, Զարգացման հայկական գործակալությունը, «Սինոփսիս Արմենիա» ընկերությունը, Հայաստանում ամերիկյան առևտրի պալատը և Հայկական միջազգային միջմասնագիտական խումբը (G2IA):

«ԱրմԹեք» 2012 համաժողովի  շրջանակում ԱՄՆ ՄԶԳ-ն աջակցում է բիզնեսը բիզնեսին (B2B) ձևաչափով հանդիպումների անցկացմանը, Սիլիկոնային հովտում տարբեր ընկերություններ գործնական այցերի կազմակերպմանը, համաժողովի մասին իրազեկմանը, ինչպես նաև կազմակերպման աշխատանքների իրականացմանը:

Այս տարի կազմակերպվելու են չորս պանելային ինտերակտիվ քննարկումներ են, որի ընթացքում բանախոսներն ու մասնակիցները հնարավորություն են ունենալու ներկայացնել և քննարկել առաջիկա տարիներին Հայաստանի բարձր տեխնոլոգիաների ոլորտի զարգացման հնարավոր ուղղությունները: «Բարձր տեխնոլոգիաների արդյունաբերությունը Հայաստանում. Վերջին զարգացումներն ու հաջողության պատմությունները» խորագիրը կրող առաջին քննարկումը կվարի Միացյալ Նահանգներում հայտնի գրող և սյունակագիր Մայքլ Մելոունը: Քննարկման հյուրերը կլինեն Հայաստանի Հանրապետության վարչապետ Տիգրան Սարգսյանը, Հայաստանում ԱՄՆ դեսպան Ջոն Հեֆերնը, «Սինոփսիս» (Synopsys), «Ինթել» (Intel) և «Դե-Լինք» (D-Link) կորպորացիաների բարձրաստիճան ղեկավարներ: «Հետազոտություններ, նորարարություն և մասնագիտական աճ» խորագրով երկրորդ քննարկման հյուրերը կլինեն պրոֆեսորներ և տնօրեններ Սթենֆորդի և Հայաստանի ամերիկյան համալսարաններից, «Մայքրոսոֆթ Հայաստան» ընկերության ինովացիոն կենտրոնից և «Լույս» հիմնադրամից: Երրորդ քննարկումը կկոչվի «Բիզնես միջավայրն ու ներդրումային հնարավորությունները», որի բանախոսները կլինեն Հայաստանի էկոնոմիկայի նախարար Տիգրան Դավթյանը, Համահայկական բանկի, Զարգացման հայկական գործակալության, «Ձեռնարկությունների ինկուբատոր հիմնադրամ»-ի տնօրենները, «Պրագմա» կորպորացիայի փոխնախագահ Փոլ Դեյվիսը և «Փոքր ձեռնարկությունների աջակցման ֆոնդեր» կազմակերպության կողմից կառավարվող «Կովկասի աճի ֆոնդ»-ի գործադիր տնօրեն Էսբեն Էմբորգը: Չորրորդ քննարկումը կանցկացվի «Նայելով առաջ. մարտահրավերներ, հնարավորություններ, գործոններ և հաջողություններ» խորագրի ներքո: Բանախոսները կլինեն «Փի-Դի-Էֆ Սոլյուշընս» (PDF Solutions), «Սոուրսիո» (Sourcio), «Նեշնըլ Ինսթրումենթս Արմենիա» (National Instruments Armenia), «Մոթորոլա Մոբիլիթի» (Motorola Mobility) և «Սիսկո» (Cisco) ընկերությունների առաջատար փորձագետներ:

# # #

ԱՄՆ Միջազգային զարգացման գործակալության ‹‹Ձեռնարկությունների զարգացման և շուկայի մրցունակության›› (‹‹Ի-Դի-Էմ-Սի››) ծրագիրն ուղղված է Հայաստանում բիզնես միջավայրի բարելավմանն ու փոքր և միջին ձեռնարկությունների (ՓՄՁ) զարգացմանն աջակցելուն: Հնգամյա այս ծրագրի նպատակն է Հայաստանում բարձրացնել զբաղվածության և եկամուտների մակարդակը` խթանելով աճը արտահանման մեծ ներուժ ունեցող ընտրված արժեքի շղթաներում, որոնք են բարձր տեխնոլոգիաները, դեղագործությունը/բիոտեխնոլոգիաները, պտուղ-բանջարեղենի վերամշակումն ու զբոսաշրջությունը:

Ինչպես Google-ին բերել Հայաստան Ներդրումների Համար

Google-ը 70 գրասենյակներ ունի աշխարհի մոր 40 երկրներում: Այն հզոր տնտեսական խթանիչ ուժ է դարձել այդ երկրների տնտեսություններ համար: Ինչպե՞ս Google-ին բերել Հայաստան:

Ինչպես տեսնում եք ներքևի նկարում, ուր պատկերված են Google- գրասենյակներն ամբողջ աշխարհում, այս հզոր ընկերությունը չունի ոչ մի գրասենյակ Հայաստանում, Կովկասում կամ միջին Ասիայում: Սա մեր երկրի համար, որտեղ ՏՏ ոլորտը համարվում է առաջնային, մեծ հնարավորություն է:  Google-ի կամ  Apple-ի պես ընկերության նույնիսկ 20-30 ստեղծած աշխատատեղ Հայաստանում, կամ պարզապես ներկայություն՝ վերաբերմունք կփոխի մեր երիտասատդության մեջ, մեր երկրի ապագայի նկատմամբ:

Ինչպե՞ս վարվել:

Բարի նախանձով տեսա որ Google-ը ներդրումներ է անում նույնիսկ Պաղեստինում. Իսկ ինչու՞ ոչ Հայաստանում: Եթե կցանկանաիք մեր երկրում ել այս ընեկրությունը ներդրումներ կատարեր կքաջալերեի, որ գրեիք Gisel Kordestani-ին: Նա Google-ի Նոր Բիզնեսի Զարգացման տնորենն է: Իրեն կարող եք գրել http://www.facebook.com/gisel.kordestani էջից (Twitter: https://twitter.com/GiselKordestani ):

Առավել ևս, եթե կապեր ունենք Silicone Valley-ում, ապա դրանք պետք է օգտագործել այս և նման ընկերություններին Հայաստան հրավիրելու համար:


Մեկ կամ երկու նման ընկերության մուտքը Հայաստան, մագնիսի պես կքաշի մյուսներին, ինչպես դա կարարվեց Հյուսիսային Կարոլինա նահանգում մի քանի տարի առաջ, երբ Google-ն այստեղ եկավ էժան էլեկտրաեներգիայի ու էժան աշխատուժի պատճառով (համեմատ Կալիֆոռնիայի) ու իր հետևից բերեց Apple-ին, որն այստեղ հիմա կառուցում է աշխարհի ամենամեծ դատա-կենտրոններից մեկը:

Եթե Հայաստանում էլեկտաեներգիայի սակագինը էժան է համեմատ այլ երկրների, ապա սա արդեն մեծ առավելություն է ու վստահ եմ որ այս և նման մեծ ընկերոյթյունները կուզենաին լսել այդ մասին:

Բոլորս օգտագործենք մեր կապերը ժողովուրդ հանուն մեր երկրի զարգցման ու հզորացման:


Տեղեկանք: Google Inc
Ընկերության շուկայի կապիտալիզացիա - 227.4 Միլիարդ ԱՄՆ Դոլլար
2012 թվականի 3րդ եռամսյակի եկամուտ - 14.1 Միլիարդ ԱՄՆ Դոլլար ( 3 ամսում):

Արմեն Հարեյան
Hareyan Publishing Corporation-ի հիմնադիր, տնօրեն www.huliq.com, www.emaxhealth.com, www.TorqueNews.com, http://pokrbusiness.blogspot.com/

Այս հոդվածը կարող եք ազատորեն տպագրել Ձեր թերթում, բլոգում կամ լրատվական վեբ-կայքում եթե հղումներն ու հեղինակային վերագրումը թողնեք անփոփոխ:

Ինչպես Կարելի Է Կրկնապատկել Հայոց Բյուջեն Դեկտեմբերին Ինտերնետով

Դեկտեմբերին Ամերիկացիները 586.1 միլիարդ դոլլար են ծախսելու Սբ. Ծննդյան տոների նվերների ու զարդարանքների վրա, որից 96 միլիարդը ծախսվելու է ինտերնետում: Այս 96 միլիարդ դոլլարից որքա՞նը կարող ենք բերել Հայաստան:

Այն ճանապարհը, որ ես կշարադրեմ այստեղ 100 տոկոսանոց երաշխիք չէ, դրա համար վերնագրում գրեցի "կարելի է," սակայն կարող է և 1 ամսվա ընէացքում եռապատկել, կամ նույնիսկ քառապատկել մեր պետական բյուջեն քանի որ անցած ճանապարհ է՝ փորձված ու հաջողված: Խոսքս ինտերնետային մանրածախ առևտրի մասին է, հատկապես Սբ. Ծննդյան տոների շեմին: Տնտեսության այս ճյուղը կարող է ճեղքել ամեն մի շրջապակում և չի պահանջում նախնական մեծ կապիտալ. Պարզապես անհրածեշտ է մի քիչ խելամտություն և մի փոքր կապիտալ: Կարող էք նաև ընկերներով սկսել:

Ըստ Ամերկյան Ազգային Մանրածախ-Առևտրականների Ֆեդերացիայի (National Retail Federation) Նոյեմբեր-Դեկտեմբեր ամիսներին Ամերիկացիները 586.1 միլիարդ դոլլար են ծախսելու Սբ. Ծննդյան տոների նվերների ու զարդարանքների վրա, որից 96 միլիարդը ծախսվելու է ինտերնետում: Ես չկարողացա գտնել թէ ինչքան են Եվրոպացիները ծախսելու Ծննդյան տոների նվերների ու զարդարանքների վրա այս տարի, բայց քանի որ նրանց շուկան Ամերիկյանից մի քիչ ավելի մեծ է եկեք ենթադրենք, որ մի այդքան էլ Եվրոպացիները կծախսեն: Միայն ԱՄՆ-ում, 96 միլիարդը ծախսվելու է ինտերնետում. Իսկ սա նշանակում է, որ այլևս կարևոր չէ թէ ապրանքը որտեղից է գալիս. Սահմաններն այստեղ քանդվում են: Ըստ Shop.org-ի ինտերնետում կատարված տօնական առևտուրն այս տարի միայն ԱՄՆ-ում աճելու է 12 տոկոսով: Այս թվերը տարետարի աճել են և տենդենցը շարունակվում է:

Ի՞նչ է պահանջվում, որ այդ 96 միլիարդից գոնե 1 միլիարդը գա Հայաստան: Պատկերացնում էք քանի մարդ աշխատանք կունենար եթե մենք հավելյան 1 միլիարդ դոլլարի ապրանք արտադրեինք ու փոստով առաքեինք ԱՄՆ մեկ ամսվա ընացքում. Սա նոր հնարավորությունների հրաշալի մարտահրավեր է քեզ հայ երիտասարդ, հայ ձեռնարկատեր. Այստեղ պայմանները հավասար են, մրցակցությունն արդար, իսկ մեր երկիրն իր էժան աշխատուժի առկայությամբ ունի ակնհայտ առավելություն:

Ի՞նչ է անհրաժեշտ սկսելու համար

1. Վեբ Կայք ---- Ընդհամենը մի քանի հարյուր դոլլարով Դուք կարող եք ունենալ, պարզ ու սկսնակ Վեբ Կայք, ավելի բարդ ու առաջացած կայքերի համար Դուք հավանաբար պետք է ծախսեք 1-3 հազար դոլլար: Ձեր Վեբ Կայքն անպայման պետք է ունենա ինտերնետային առևտրի հնարավորություն (e-commerce solution): Սա բարդ բան չէ եթե գիտեք ինչ էք անում: Ձեր վեբմաստերը այս հարցը կլուծի Ձեր համար: Շատ լավ կլինի եթե Ձեր կայքը մոբիլ-ով առուտուր անելու հնարավորություն ունենա (mobile-enabled): Սա ավելի շուտ մարկետինքի հարց է և այս հոդվածի շրջանակից դուրս, սակայն mobile-enabled կայքն այսօր այնքան կարևոր է, որ գոնե նշենք այստեղ այդ մասին:

2. Ապրանք - Ձեզ պետք է ապրանք, որ վաճառեք Ձեր կայքի միջոցով ու առաքեք փոստով: Հաշվի առնելով, որ մեր երկրում մեծ քանակությամբ մարդիկ աշխատանք են փնտրում, Դուք պետք է որ գտնվեք մրցունակ վիճակում արագ ու էֆֆեկտիվ արտադրություն կազմակեպելու համար: Հատկապես եթե ձեռքի աշխատանք էք կազմակերպում և այն հիմնում շրջաններում: Լավ գործ արած կլինեք, մարդկանց իրենց հողին կապելով:

Ի՞նչ արտադրել ու վաճառել

Ընտրեք, կամ արտադրեք ապրանք, որ այս տոնական շրջանին ավելի պահանջված են: Հաշվի առեք, որ դուք այդ ապրանքը առաքելու էք փոստով. Հետևվաբար, ընտրեք այնպիսի լուծումներ, որ Ձեր ապրանքի առաքման ծախսի հետ միասին կունենա ավելի մրցունակ գին, քան ԱՄՆ-ում կամ Եվրոպայում վաճառվող նույնատիպ ապրանքը: Ուսումնասիրեք Ամերիկայն և Եվրոպական ապրելակերպն ու սովորույթները: Տեսեք ինչ են առնում, ինչ են նվիում, ինչպես են զարդարում իրենց տներն այս տոնական սեզոօնին: Օրինակ կարող էք սկսել, ինետերնետում փնտրելով, "Best Christmas Gift Ideas" կամ "Top Selling Christmas Gifts."

Ուրիշ որտեղ կարելի է վաճառել մեր ապրանքը:

Եթե չունեք Վեբ Կայք, բայց ունեք ապրանք Դուք կարող էք նաև ձեր ապրանքը վաճառել արդեն լավ-հաստատված մեծ առևտրական վեբ կայքերում: Օրինակ Amazon.com-ն ունր "Վաճառիր Amazon-ում" կարելիությունը (Sell on Amazon). Սա շատ լավ հնարավորություն է հենց հիմա Ձեր ապրանքն այնտեղ վաճառելու համար: Հաջորդ լավ հնարավորությունն է eBay-ը. eBay-ում Ձեր ապրանքը վաճառվում է աճուրդի միջոցով: Հազարներով անհատ մարդիկ մեկ միլլիոն դոլլարից ավելի եկամուտ են ապահովել eBay-ի միջոցով:

Ամփոփում

Այս հոդվածի վերնագիրն է “Թէ Ինչպես Կարելի Է Կրկնապատկել Հայոց Բյուջեն Դեկտեմբերին:” Խոսքն անշուշտ չի վերաբերում այս Դեկտեմբերին, թեև մեր ազգի գործարարական ջիղն ու միտքն արագ աշխատեցնելու դեպքւմ մեծ հաջողություններ կարելի է արձանագրել այս տարի, ինտերնետային առևտրի ասպարեզում: Հիմա կասեք, ինչպե՞ս կարելիէ մի քանի կամ մի քանի տասնեակ այսպիսի բիզնեսներր միջոցով կրկնապատկել մեր պետության բյուջեն մեկ ամսվա ընթացքում: Լավ... թող չլինի մի քանի տասնյակ, այլ մի քանի տասնյակ հազար երիտասարդական փոքր բիզնեսր ձեռնարկներ, քանզի փոքր բիզնեսի հաջողությունը տնտեսության ողնաշարի առողջությունն է: Բայց ահա մի քանի թվեր թէ միայն ԱՄՆ-ում անհատ խանութներ ինչ առևտուր են գրանցել միայն ինտերնետում, միայն իրենց վեբ կայքի միջոցով: Ի միջայլոց սրանց ապրանքների առյուծի բաժինը չի արտադրվում ԱՄՆ-ում:

Amazon.com-ը 2011 թվականի 4-րդ եռամսյակում (տօնական առևտրի եռուն շրջանը) ունեցել է 17.43 միլլիարդ դոլլարի եկամուտ. Սա 35 տոկոս աճ էր նույն ժամանակահատվածի 2010 թվականի արդյունքի վրա:

eBay-ը 2011 թվականի 4-րդ եռամսյակում ունեցել է 3.38 միլիարդ դոլլարի եկամուտ, որից 2 միլիարդ դոլլարը մաքուր շահույթ: 

Macys.com այս տարի ակնկալում է 2 միլիարդ դոլլարի եկամուտ իր ինտերնետային առևտրից:

Այս ցուցակը կարող է շատ երկարել, բայց արդեն պարզ է, որ եթե մենք սկսենք և շուտով Հայաստանում ունենանք մի քանի այսպիսի ինտերնետային մանրածախ ձեռնարկություններ (online retailers) ապա շատ արագ միայն այս մրցունակ սեկտորի միջոցով կարող ենք կրկնապատկել կամ նույնիսկ եռապատկել մեր պետական ազգային հարստությունը, բազում աշխատատեղեր ստեղծել մեր երկրում և ծաղկուն ապագա մեր հայրենակիցների համար: Իսկ թէ ինչպես սկսած փոքր կամ միջին ինտերնետային առևտրով զբաղվող վեբ կայքերը հասցնել eBay-ի կամ Amazon.com-ի մեծությանը, դա արդեն մարքետինգի հարց է և մի նոր հոդվածի նյութ: Իսկ կարևորը սկսելն է ու այս սեկտորը զարգացնել Հայաստանում:

Արմեն Հարեյան
Hareyan Publishing Corporation-ի հիմնադիր, տնօրեն 
www.huliq.com, www.emaxhealth.com, www.TorqueNews.com

Այս հոդվածը կարող եք ազատորեն տպագրել Ձեր թերթում, բլոգում կամ լրատվական վեբ-կայքում եթե հղումներն ու հեղինակային վերագրումը թողնեք անփոփոխ: